XIV SEMANA AUDIOVISUAL DO CLUBE ALPINO
Estamos xa na XIV Semana Audiovisual do Clube Alpino Ourensán que se acolle no Auditorio Municipal e que organiza o mesmo Clube Alpino Ourensán co patrocionio especial da Fundación Florencio Álvarez – María Teresa Estebán e que comeza esta tarde.
Mércores 28 de novembro ás 20.30 h.
Islandia: «Entre lusco e fusco»
Miriam Martínez Ferreiro e Mar Pallás Valleros
Nesta proxección adentrarémonos nas terras altas e mostrarémosvos uns dos trekin máis fermosos do mundo, que parte de Landmannalaugar e remata en Skógar.
Xoves 29 de novembro ás 20:30 h.
«La bicicleta: otra forma de viajar»
Roberto Mateos García
Unha sinopse de imaxes de natureza, persoas e lugares coñecidos a través do medio de transporte máis enxeñoso do ser humano. Gozaremos de paisaxes desérticas en Australia e Marrocos, grandes reservas de auga dulce en Chile e Islandia, parques nacionais en Tanzania e Arxentina. Coñeceremos grupos étnicos de Myanmar e Sumatra y visitaremos lugares emblemáticos como o Capitolio Nacional de La Habana, o campo de concentración de Mauthausen en Austria e cidades Patrimonio da Humanidade como Luang Prabang, Laos.
Venres 30 de novembro as 20:30 h.
«Ascensión ao Annapurna, a montaña máis temida do Himalaia»
O pasado 6 de maio Sechu López acadou o cumio do Annapurna, sendo o primeiro galego en conseguilo. Esta mítica montaña de 8.091 metros, situada no Himalaia de Nepal, está considerada como a máis perigosa dos 14 oitomiles. Durante a ascensión, a maioría dos alpinistas decidiron renunciar polas continuas avalanchas… pero o galego e algúns máis decidiron continuar subindo, para seguir intentando facer realidade os seus soños, chegar ao máis alto. Conseguiu acadar o cumio loitando contra as adversidades, convencido de que superar o reto era posible. Podería ser coraxe, pero necesítase algo máis, necesítase paixón.
